Para quen é este evento?

Para persoas emprendedoras da contorna de Ames que traballan por conta propia, persoas autónomas que traballan dende a casa e calquera profesional que queira saír do illamento, compartir retos e conectar coa comunidade local.

Que imos facer?

Realizaremos un encontro mensual de 90 minutos dividido en tres momentos prácticos:

- Acollida e encuadre: Un espazo para presentar o negocio e presentar o marco da actividade.

- Dinámica vivencial e traballo de fondo: Análise colectiva de retos reais para liberar carga mental e atopar solucións dende a experiencia compartida.

- Ferramentas e redes de apoio: recursos prácticos e intercambio directo de contactos e colaboracións profesionais.

Quen facilita a sesión?

A sesión estará facilitada pola xestora de Espazo A Proa, Licenciada en ADE e Técnica de Emprendemento coa mirada posta no humano. Conta cunha traxectoria orientada tanto á estratexia do negocio como ao acompañamento das persoas, integrando as súas formacións complementarias no eido social.

Que vas levar destas sesións?

- Redución da carga mental: recursos para xestionar a incerteza e o estrés do autoemprego.

- Rede e sinerxías reais: Contactos, alianzas comerciais e a tranquilidade de saber que non estás emprendendo en soidade.

Frecuencia:

Actividade mensual (90 min de duración por sesión).

Related events